മാവൂര്‍: കുറ്റിക്കടവില്‍ നടന്ന മാവൂര്‍ റെയ്ഞ്ച് ഇസ്‌ലാമിക് കലാമേളയില്‍ 88 പോയിന്റോടെ മാവൂര്‍ പാറമ്മല്‍ മുഹിമ്മാത്തുല്‍ മുസ്‌ലിമീന്‍ സെക്കന്‍ഡറി മദ്‌റസ ചാംപ്യന്മാരായി.
85 പോയിന്റ് നേടി ചെറൂപ്പ ഹിമായത്തുല്‍ ഇസ്‌ലാം ഹയര്‍സെക്കന്‍ഡറി രണ്ടാം സ്ഥാനവും 68 പോയിന്റോടെ കുറ്റിക്കടവ് ഖുവ്വത്തുല്‍ ഇസ്‌ലാം സെക്കന്‍ഡറി മദ്‌റസ മൂന്നാം സ്ഥാനവും കരസ്ഥമാക്കി. ജനറല്‍ വിഭാഗം മത്സരത്തില്‍ തെങ്ങിലക്കടവ് റിയാദുല്‍ ഉലൂം സെക്കന്‍ഡറി മദ്‌റസ ചാംപ്യന്മാരായി. രാവിലെ നടന്ന പരിപാടി പി.ജി മുഹമ്മദ് ഉദ്ഘാടനം ചെയ്തു. മാങ്ങാട്ട് അബ്ദുറസാഖ് അധ്യക്ഷനായി.
കെ. അഹമ്മദ്‌കോയ മുസ്‌ലിയാര്‍ പ്രസംഗിച്ചു. അഷ്‌റഫ് ഫൈസി തെങ്ങിലക്കടവ്, റാഫി ദാരിമി, കോയ മുസ്‌ലിയാര്‍ പാറമ്മല്‍, റഊഫ് മുസ്‌ലിയാര്‍ സംബന്ധിച്ചു. കെ.എം.എ റഹ്മാന്‍ സ്വാഗതവും കെ. മൂസ മുസ്‌ലിയാര്‍ നന്ദിയും പറഞ്ഞു. സമാപന സമ്മേളനം സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ ഉദ്ഘാടനം ചെയ്തു. വിജയികള്‍ക്കുള്ള ട്രോഫി അദ്ദേഹം വിതരണം ചെയ്തു. ജന. സെക്രട്ടറി കെ.എ റഷീദ് ഫൈസി സ്വാഗതവും കാവാട്ട് അബ്ദുസ്സലാം നന്ദിയും പറഞ്ഞു.