കണ്ണൂര്‍: കേരളാ സ്‌കൂള്‍ ടീച്ചേഴ്‌സ് അസോസിയേഷന്‍ അക്കാദമിക് കൗണ്‍സിലിന്റെ ആഭിമുഖ്യത്തില്‍ 2017ലെ എല്‍.എസ്.എസ്, യു.എസ്.എസ് പരീക്ഷയ്ക്ക് തയാറെടുക്കുന്ന വിദ്യാര്‍ഥികള്‍ക്കായി മാതൃകാ പരീക്ഷ നടത്തി. 54 കേന്ദ്രങ്ങളിലായി പതിനായിരത്തിലേറെ വിദ്യാര്‍ഥികള്‍ പങ്കെടുത്തു. ജില്ലാതല ഉദ്ഘാടനം കണ്ണൂര്‍ ഗവ. ടി.ടി.ഐയില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍വഹിച്ചു. എന്‍.ടി സുധീന്ദ്രന്‍ അധ്യക്ഷനായി. പി.വി പ്രദീപന്‍, എം ബാലകൃഷണന്‍, പി.വി രാജീവന്‍, എന്‍.പി ശശികുമാര്‍, കെ.പി മനോജ്കുമാര്‍ സംസാരിച്ചു.