ന്യൂഡല്‍ഹി: കള്ളപ്പണം വെളുപ്പിക്കല്‍ കേസുമായി ബന്ധപ്പെട്ട് മുന്‍ധനമന്ത്രി പി. ചിദംബരത്തിന്റെ മകന്‍ കാര്‍ത്തി ചിദംബരത്തെ എന്‍ഫോഴ്‌സ്‌മെന്റ് ഡയരക്ടറേറ്റ് ചോദ്യം ചെയ്തു. കഴിഞ്ഞ ജനുവരി 18നും അദ്ദേഹത്തെ ചോദ്യം ചെയ്തിരുന്നു. കള്ളപ്പണം വെളുപ്പിക്കലുമായി ബന്ധപ്പെട്ട് കഴിഞ്ഞ വര്‍ഷം മെയിലാണ് കാര്‍ത്തിക്കെതിരേ കേസെടുത്തത്.
ഇദ്ദേഹത്തിന് പുറമെ ഐ.എന്‍.എക്‌സ് മീഡിയയും പ്രമോട്ടര്‍മാരായ പീറ്റര്‍ മുഖര്‍ജി. ഇന്ദ്രാണി മുഖര്‍ജി എന്നിവരും പ്രതിപ്പട്ടികയിലുണ്ട്. ഐ.എന്‍.എക്‌സ് മീഡിയയില്‍ നിന്ന് നിമയവിരുദ്ധമായി പണം സ്വീകരിച്ചുവെന്ന ആക്ഷേപമാണ് കാര്‍ത്തിക്കെതിരേയുളളത്.