ന്യൂഡല്‍ഹി: ഇന്ത്യയുടെ ചന്ദ്ര പര്യവേക്ഷണ പദ്ധതിയുടെ രണ്ടാം ഘട്ടമായ ചന്ദ്രയാന്‍ രണ്ട് ഏപ്രിലില്‍ വിക്ഷേപിക്കും. കേന്ദ്രമന്ത്രി ജിതേന്ദ്ര സിങാണ് ഇക്കാര്യം അറിയിച്ചത്.
800 കോടി ചെലവ് പ്രതീക്ഷിക്കുന്നതാണ് പദ്ധതി. ചന്ദ്രനിലിറങ്ങി പര്യവേക്ഷണം നടത്തുന്ന റോവര്‍ ഉള്‍പ്പെടെ അടങ്ങുന്നതാണ് ചന്ദ്രയാന്‍ രണ്ട്.
ചന്ദ്രന്റെ ദക്ഷിണ ധ്രുവത്തില്‍ റോവറിനെ ഇറക്കാനാണ് തീരുമാനിച്ചിട്ടുള്ളതെന്ന് ഐ.എസ്.ആര്‍.ഒ ചെയര്‍മാന്‍ കെ. ശിവന്‍ അറിയിച്ചു.
ഭൂമിക്ക് പുറത്ത് മറ്റൊരു ഗ്രഹത്തില്‍ റോവര്‍ ഇറക്കി പര്യവേക്ഷണം നടത്തുന്ന ഐ.എസ്.ആര്‍.ഒയുടെ ആദ്യ പദ്ധതികൂടിയാണ് ഇത്.