കണ്ണൂര്‍: മദ്‌റസ വിദ്യാര്‍ഥികളെയും മുഅല്ലിംമീങ്ങളെയും പങ്കെടുപ്പിച്ച് സമസ്ത കേരള ജംഇയ്യത്തുല്‍ മുഅല്ലിമീന്‍ സംഘടിപ്പിക്കുന്ന 14ാമത് ഇസ്‌ലാമിക കലാമേളയുടെ മേഖലാതല മത്സരങ്ങള്‍ സമാപിച്ചു.
അഞ്ചു മേഖലകളിലായാണ് കലാമേള നടന്നത്. ഇന്നലെ രാവിലെ എട്ടു മുതല്‍ കലാസാഹിത്യ മത്സരങ്ങള്‍ തുടങ്ങി. രാവിലെ 10നു പ്രദര്‍ശനോദ്ഘാടനം മാട്ടൂല്‍ തെക്കുമ്പാട് മാട്ടൂല്‍ ഗ്രാമപഞ്ചായത്ത് പ്രസിഡന്റ് കെ.വി അലിയും, തളിപ്പറമ്പില്‍ നഗരസഭാ ചെയര്‍മാന്‍ മഹ്മൂദ് അളളാംകുളവും, കണ്ണൂരില്‍ കോര്‍പറേഷന്‍ മുന്‍ ഡെപ്യൂട്ടി മേയര്‍ സി സമീറും, പാനൂരില്‍ കബീര്‍ കണ്ണാടിപ്പറമ്പും ഇരിട്ടി തൊട്ടിപ്പാലത്ത് ജില്ലാ പഞ്ചായത്ത് മെമ്പര്‍ അന്‍സാരി തില്ലങ്കേരിയും നിര്‍വഹിച്ചു. വൈകുന്നേരം ആറിനു സമാപന സമ്മേളനത്തില്‍ പി.കെ.പി അബ്ദുസലാം മുസലിയാര്‍, മൗലാനാ മാണിയൂര്‍ അഹ്മദ് മൗലവി, സയ്യിദ്ദ് മശ്ഹൂര്‍ ഉമര്‍ കോയ തങ്ങള്‍, പി.പി ഉമര്‍ മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, കെ.ടി അബ്ദുല്ല മൗലവി, മാണിയൂര്‍ അബ്ദുറഹ്മാന്‍ ഫൈസി, അബ്ദുസമദ് മുട്ടം എന്നിവര്‍ പങ്കെടുത്തു. അഹ്മദ് തേര്‍ളായി, എസ്.വി മുഹമ്മദലി, അബ്ദുല്‍ ഫത്താഹ് ദാരിമി, അബ്ദുല്‍ കരിം അല്‍ഖാസിമി, അഫ്‌സല്‍ രാമന്തളി, എ.കെ അബ്ദുല്‍ ബാഖി, ബഷീര്‍ അസ്അദി നമ്പ്രം, ഇബ്രാഹിം ബാഖവി പൊന്ന്യം, അബ്ദുശുക്കൂര്‍ ഫൈസി പുഷ്പഗിരി, അബ്ദുസലാം ദാരിമി കിണവക്കല്‍ എന്നിവര്‍ സംസാരിച്ചു. കെ.കെ.പി അബ്ദുല്ല ഫൈസി, അബ്ദുറഹ്മാന്‍ കല്ലായി, കെ. പി.പി തങ്ങള്‍, സി.എച്ച് അബൂബക്കര്‍ ഹാജി, അഞ്ചരക്കണ്ടി അബ്ദുറഹ്മാന്‍ മുസലിയാര്‍ ഓവറോള്‍ ചാംപ്യന്‍ഷിപ്പ് വിതരണം ചെയ്തു.