പ്യോങ്ചങ്: ശീതകാല ഒളിംപിക്‌സിലെ ഇന്ത്യന്‍ പോരാട്ടത്തിന് വിരാമം. അവസാന പ്രതീക്ഷയായിരുന്ന ക്രോസ് കണ്‍ട്രി സ്‌കീയിങ് താരം ജഗദീഷ് സിങ് 15 കിലോമീറ്റര്‍ പോരാട്ടത്തില്‍ 103ാം സ്ഥാനത്ത് ഫിനിഷ് ചെയ്തു. മൊത്തം 119 താരങ്ങളാണ് മത്സരിച്ചത്. 43.03 മിനുട്ടുകളെടുത്താണ് താരം മത്സരം പൂര്‍ത്തിയാക്കിയത്.
ശീതകാല ഒളിംപിക്‌സില്‍ കാര്യമായ നേട്ടങ്ങളൊന്നും അവകാശപ്പെടാനില്ലാത്ത ഇന്ത്യയുടെ ഇത്തവണത്തെ പ്രകടനത്തിലും പ്രതീക്ഷയ്ക്ക് വകയുള്ളതൊന്നും കണ്ടില്ല.