ഹുദൈബിയ്യ (മഞ്ചേരി): മദീനപാഷന്റെ ഭാഗമായി തലമുറ സംഗമം മഞ്ചേരി അല്‍ബൈക്ക് കോണ്‍ഫറന്‍സ് ഹാളില്‍ നടന്നു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ പ്രാര്‍ഥന നടത്തി. മുശാവറ അംഗം വാക്കോട് മൊയ്തീന്‍കുട്ടി ഫൈസി ഉദ്ഘാടനം ചെയ്തു. എസ്.കെ.എസ്.എസ്.എഫ് സ്ഥാപക ജില്ലാ പ്രസിഡന്റ് എം.പി മുഹമ്മദ് മുസ്‌ലിയാര്‍ കടുങ്ങല്ലൂര്‍ അധ്യക്ഷനായി. മുന്‍കാല നേതാക്കളായ ബിഎസ്.കെ തങ്ങള്‍,അബ്ദുല്‍ ഹമീദ് ഫൈസി അമ്പലക്കടവ്, ഒ.കെ.എം കുട്ടി ഉമരി, ഹസന്‍ ഫൈസി പന്നിപ്പാറ, അബൂബക്കര്‍ ദാരിമി താമരശ്ശേരി, അബ്ദുസ്സമദ് കൊന്നോല, ഉബൈല്ല ഫൈസി വാണിയമ്പലം, ഉമര്‍ ദര്‍സി തച്ചണ്ണ, വി.കെ.എച്ച് റഷീദ്, സിദ്ദീഖ് ചെമ്മാട് സംസാരിച്ചു. പ്രവാസി സംഗമം ആദൃശ്ശേരി ഹംസക്കുട്ടി മുസ്‌ലിയാര്‍ ഉദ്ഘാടനം ചെയ്തു. പുറങ്ങ് അബ്ദുല്ല മുസ്‌ലിയാര്‍ അധ്യക്ഷനായി. സുബൈര്‍ ഫൈസി കട്ടുപ്പാറ, മജീദ് പത്തപ്പിരിയം, സി.കെ അബ്ദുല്ല, അബു ഹാജി ആനമങ്ങാട്, പി.എം റഫീഖ് അഹ്മദ്, ജലീല്‍ എടക്കുളം സംസാരിച്ചു.