മങ്കട: ദേശീയ കായിക മത്സരങ്ങളില്‍ തിളങ്ങിയ പരിയാപുരത്തിന്റെ താരങ്ങള്‍ക്ക് പൗരാവലിയുടെ സ്വീകരണം. ആന്ധ്രാപ്രദേശിലെ ചിറ്റൂരില്‍ നടന്ന പെണ്‍കുട്ടികളുടെ ദേശീയ റസ്‌ലിങ് ചാംപ്യന്‍ഷിപ്പില്‍ വെള്ളിമെഡല്‍ കരസ്ഥമാക്കിയ റോസ് മരിയ, തെലങ്കാനയിലെ വഗംഗലിയില്‍ നടന്ന ദേശീയ സബ് ജൂനിയര്‍ നെറ്റ് ബോള്‍ ചാംപ്യന്‍ഷിപ്പില്‍ കിരീടംചൂടിയ കേരളാ ടീമിലെ അനു ജോസഫ്, ഇതേ ഇനത്തില്‍ ആണ്‍കുട്ടികളുടെ വിഭാഗത്തില്‍ കേരളത്തിനുവേണ്ടി കളത്തിലിറങ്ങിയ കെ.ജെ അര്‍പിത്, നാസിക്കില്‍ നടന്ന ദേശീയ ഷട്ടില്‍ ബാഡ്മിന്റണ്‍ ചാംപ്യന്‍ഷിപ്പില്‍ പങ്കെടുത്ത കേരളാ ടീമംഗം യു.ആര്‍ ഉത്തര, സംസ്ഥാന കായിക മേളയില്‍ ലോങ് ജംപില്‍ വെങ്കല മെഡല്‍ നേടിയ ഡിഫ്‌ന ജോസ്, കായികാധ്യാപകന്‍ കെ.എസ് സിബി എന്നിവര്‍ക്കാണ് സ്വീകരണമൊരുക്കിയത്.
റാലിക്ക് ശേഷം നടന്ന അനുമോദന സമ്മേളനം ടി.എ അഹമ്മദ് കബീര്‍ എം.എല്‍.എ ഉദ്ഘാടനം ചെയ്തു. ഡോ. ജേക്കബ് കുത്തൂര്‍ അധ്യക്ഷനായി. അഡ്വ. ടി.കെ റഷീദലി, അമീര്‍ പാതാരി, പഞ്ചായത്ത് പ്രസിഡന്റ്, ഒ. കേശവന്‍, ഏലിയാമ്മ തോമസ്, അബ്ദുസ്സലാം ആറങ്ങോടന്‍, മനോജ് വീട്ടുവേലിക്കുന്നേല്‍, ഇ.ജെ ആന്റണി, ജോണി, ജോസുകുട്ടി സംസാരിച്ചു.