കോഴിക്കോട്: രണ്ടുദിവസത്തെ കേരള സന്ദര്‍ശനത്തിനെത്തിയ ഉപരാഷ്ട്രപതി എം. വെങ്കയ്യ നായിഡു മടങ്ങി.
ഇന്നലെ ഉച്ചക്ക് ഒന്നോടെ കരിപ്പൂര്‍ വിമാനത്താവളത്തില്‍ നിന്നാണ് വ്യോമസേനയുടെ പ്രത്യേക വിമാനത്തില്‍ ഡല്‍ഹിക്കു മടങ്ങിയത്. ഇന്നലെ രാവിലെ ഫാറൂഖ് കോളജ് പ്ലാറ്റിനം ജൂബിലി ആഘോഷ സമാപനം ഉദ്ഘാടനം ചെയ്തശേഷം തൊണ്ടയാട് ചിന്‍മയ മിഷന്‍ സ്‌കൂളില്‍ 100 പുസ്തകങ്ങള്‍ പൂര്‍ത്തിയാക്കിയ മുതിര്‍ന്ന അഭിഭാഷകന്‍ പി.എസ് ശ്രീധരന്‍ പിള്ളയെ ആദരിക്കല്‍ ചടങ്ങിലും പങ്കെടുത്ത ശേഷമാണു ഉപരാഷ്ട്രപതി മടങ്ങിയത്.