കണ്ണൂര്‍: ബി.ജെ.പിയും കോണ്‍ഗ്രസും നടപ്പാക്കുന്നത് ഒരേ വര്‍ഗനയങ്ങളാണെന്ന് സി.ഐ.ടി.യു സംസ്ഥാന ജനറല്‍ സെക്രട്ടറി എളമരം കരീം. കേരള വാട്ടര്‍ അതോറിറ്റി എംപ്ലോയീസ് യൂനിയന്‍ (സി.ഐ.ടി.യു) 16ാം സംസ്ഥാന സമ്മേളനത്തോടനുബന്ധിച്ച് നടന്ന പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ജനങ്ങളുടെ ക്ഷേമത്തില്‍നിന്ന് പിന്മാറുന്നതിന്റെ ഏറ്റവും നല്ല ഉദാഹരണമായ ബി.ജെ.പി സര്‍ക്കാര്‍ ഏതെങ്കിലും വാഗ്ദാനം നടപ്പാക്കിയിട്ടുണ്ടോയെന്നും അദ്ദേഹം ചോദിച്ചു. യൂനിയന്‍ സംസ്ഥാന പ്രസിഡന്റ് പി. കരുണാകരന്‍ എം.പി അധ്യക്ഷനായി.