ന്യൂഡല്‍ഹി: അഞ്ചാമത് ദേശീയ റെയ്‌സ് വാക്കിങ് ചാംപ്യന്‍ഷിപ്പില്‍ പുരുഷന്‍മാരുടെ 50 കിലോമീറ്ററില്‍ ദേശീയ റെക്കോര്‍ഡുകാരന്‍ സന്ദീപ് കുമാര്‍ സ്വര്‍ണം നിലനിര്‍ത്തി. അണ്ടര്‍ 20 പെണ്‍കുട്ടികളുടെ 10 കിലോമീറ്റര്‍ പോരാട്ടത്തില്‍ 14 വര്‍ഷം പഴക്കമുള്ള ദേശീയ റെക്കോര്‍ഡ് തിരുത്തി പ്രയങ്ക പട്ടേലും താരമായി. 31കാരനായ ഹരിയാന താരം സന്ദീപ് മൂന്ന് മണിക്കൂറും 56 മിനുട്ടും 39.71 സെക്കന്‍ഡുമെടുത്താണ് ഫിനിഷ് ചെയ്തത്. 2004ല്‍ പ്രിയങ്ക ഗോസ്വാമി സ്ഥാപിച്ച 49.16.51 സെക്കന്‍ഡിന്റെ റെക്കോര്‍ഡ് 49.01.81 സെക്കന്‍ഡാക്കി തിരുത്തിയാണ് പ്രിയങ്ക പട്ടേലിന്റെ സുവര്‍ണ നേട്ടം. പുരുഷന്‍മാരുടെ 10 കിലോമീറ്ററില്‍ അക്ഷദീപ് സിങും സ്വര്‍ണം നേടി.