കുന്നംകുളം: കഴിഞ്ഞ ദിവസം ചുണ്ടേല്‍ പാടത്ത് കത്തിക്കരിഞ്ഞ നിലയില്‍ കണ്ടെത്തിയ മൃതദേഹം സ്ത്രീയുടേതെന്ന് സ്ഥിരീകരിച്ചു. മൃതദേഹത്തിന് 24 മണിക്കൂര്‍ പഴക്കമുണ്ട്.

ചൂണ്ടല്‍ ഐസ് പ്ലാന്റിന് പിറകുവശത്തുള്ള വയലില്‍ പരിസരവാസികളാണ് മൃതദേഹം കണ്ടത്. വയലില്‍ ഒരു ഭാഗത്ത് ഇടതുകാലും ശരീര ഭാഗങ്ങളും മറ്റൊരു ഭാഗത്ത് തലയോട്ടിയും കത്തിയ നിലയിലാണുള്ളത്.

മറ്റു ശരീരഭാഗങ്ങള്‍ പരിസരത്ത് സമാനരീതിയില്‍ കണ്ടെത്താനാകുമെന്നാണ് പൊലിസ് കരുതുന്നത്. കൊലപാതകമാണെന്ന നിഗമനത്തിലാണ് പൊലിസ്.