തിരുവനന്തപുരം: യൂത്ത് കോണ്‍ഗ്രസ് നേതാവ് ശുഹൈബിനെ കൊലപ്പെടുത്തിയവരെ സംരക്ഷിക്കുന്ന സി.പി.എം തന്ത്രം വിലപ്പോകില്ലെന്ന് മുന്‍ മുഖ്യമന്ത്രി ഉമ്മന്‍ചാണ്ടി. യഥാര്‍ഥ പ്രതികള്‍ക്കുപകരം ബലിയാടുകളെ നല്‍കി കേസ് തേച്ചുമായ്ച്ചു കളയാനാണു സര്‍ക്കാര്‍ ശ്രമിക്കുന്നതെങ്കില്‍ അതിശക്തമായ ജനരോഷം നേരിടേണ്ടിവരും. ഇപ്പോള്‍ പിടിയിലായവര്‍ യഥാര്‍ഥ പ്രതികളല്ലെന്നു സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ സൂചിപ്പിക്കുന്നു. ശുഹൈബിന്റെ അച്ഛനും ഇക്കാര്യം വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.