ന്യൂഡല്‍ഹി: കനേഡിയന്‍ പ്രധാനമന്ത്രി ജസ്റ്റിന്‍ ട്രുഡ്യുവും കുടുംബവും ഇന്ത്യയിലെത്തി. ഒരാഴ്ച നീണ്ടു നില്‍ക്കുന്ന സന്ദര്‍ശനത്തില്‍ ഇന്ത്യയും കാനഡയും തമ്മിലുള്ള ബന്ധം ശക്തമാക്കുകയെന്നതാണ് ലക്ഷ്യം.
ഇന്നലെ താജ്മഹല്‍ സന്ദര്‍ശിച്ച ജസ്റ്റിനും കുടംബവും ഇന്ന് പ്രധാനമന്ത്രി മോദിയുമായി കൂടിക്കാഴ്ച നടത്തും. ഇന്നലെ ഇന്ത്യയില്‍ എത്തിയ പ്രധാനമന്ത്രിയേയും കുടുംബത്തേയും കൃഷി സഹമന്ത്രി ഗജേന്ദ്ര സിങും കാനഡയിലെ ഇന്ത്യന്‍ അംബാസഡര്‍ വികാസ് സ്വരൂപും ചേര്‍ന്ന് സ്വീകരിച്ചു.