വാഷിങ്ടണ്‍: ഫ്‌ളോറിഡ സ്‌കൂള്‍ വെടിവയ്പ്പ് സംഭവത്തില്‍ എഫ്.ബി.ഐക്കെതിരേ രൂക്ഷ വിമര്‍ശവുമായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ആക്രമണത്തെ കുറിച്ചും പ്രതിയെ കുറിച്ചും നേരത്തെ തന്നെ വിവരം ലഭിച്ചിട്ടും എഫ്.ബി.ഐ അധികൃതര്‍ വേണ്ട നടപടികള്‍ സ്വീകരിച്ചിട്ടില്ലെന്നാണ് ആക്ഷേപം. രാജ്യത്തെ അടിസ്ഥാന കാര്യങ്ങളില്‍ ശ്രദ്ധ പതിപ്പിക്കാതെ മുഴുസമയവും പ്രസിഡന്റ് തെരഞ്ഞെടുപ്പിലെ റഷ്യന്‍ ഇടപെടല്‍ അന്വേഷിക്കുന്ന തിരക്കിലായിരുന്നു സംഘമെന്നും ട്രംപ് കുറ്റപ്പെടുത്തി. 'വെടിവയ്പ്പ് സംഭവത്തിലെ പ്രതി നിക്കോളാസ് ക്രൂസിനു തോക്ക് ലഭിച്ചതായും അയാള്‍ കൂട്ടക്കൊലയ്ക്കു നീക്കം നടത്തുന്നതായും എഫ്.ബി.ഐയ്ക്കു നേരത്തെ തന്നെ വിവരം ലഭിച്ചിരുന്നു.