റിയാദ്: ദ്വിദിന സന്ദര്‍ശനത്തിനായി കേന്ദ്ര ധനകാര്യ മന്ത്രി അരുണ്‍ ജെയ്റ്റ്‌ലി സഊദിയിലെത്തി. റിയാദില്‍ 12-ാമത് ഇന്ത്യ-സഊദി സംയുക്ത കൗണ്‍സില്‍ യോഗത്തിനെത്തിയതായിരുന്നു മന്ത്രി.
ഇന്നലെ യോഗത്തിനു ശേഷം മുതിര്‍ന്ന സഊദി നേതാക്കളുമായി ജെയ്റ്റ്‌ലി കൂടിക്കാഴ്ച നടത്തി. സഊദി-ഇന്ത്യ ബിസിനസ് കൗണ്‍സില്‍ യോഗത്തില്‍ ഇരു രാജ്യങ്ങളിലെയും ധനമന്ത്രിമാര്‍ പങ്കെടുത്തു. തുടര്‍ന്ന് ഇന്ത്യ വിശിഷ്ടാതിഥിയായ സഊദി ജനാദിരിയ്യ പൈതൃകോത്സവവും മന്ത്രി സന്ദര്‍ശിച്ചു.
ഇന്ന് സഊദി വ്യാപാര മന്ത്രി ഡോ. മാജിദ് അല്‍ ഖുസൈബിയുമായി ജെയ്റ്റ്‌ലി ചര്‍ച്ച നടത്തും. വിവിധ വ്യാപാര കരാറുകളില്‍ ഇരുരാജ്യങ്ങളും ഒപ്പുവയ്ക്കും.