ദുബൈ: ഭിന്നശേഷിക്കാരുടെ ഭാരോദ്വഹന ലോകകപ്പില്‍ ഇന്ത്യയുടെ സകിന ഖതൂന്‍ വെള്ളി നേട്ടം സ്വന്തമാക്കി. 45 കിലോ വിഭാഗത്തില്‍ മത്സരിക്കാനിറങ്ങിയ താരം 80 കിലോ ഉയര്‍ത്തിയാണ് വെള്ളി മെഡല്‍ നേടിയത്. നേരത്തെ ഏപ്രിലില്‍ നടക്കാനിരിക്കുന്ന കോമണ്‍വെല്‍ത്ത് ഗെയിംസിനുള്ള ഇന്ത്യന്‍ ടീമില്‍ ഉള്‍പ്പെടുത്താത്തിന്റെ നിരാശയില്‍ ആത്മഹത്യാ ശ്രമം നടത്തി വാര്‍ത്തകളില്‍ ഇടം പിടിച്ച താരമാണ് സകിന. കോമണ്‍വെല്‍ത്ത് ഗെയിംസില്‍ മെഡല്‍ നേടിയ ഇന്ത്യയുടെ ഏക പാരാ അത്‌ലറ്റ് കൂടിയാണ് സകിന. ഗ്ലാസ്‌ഗോ കോമണ്‍വെല്‍ത്ത് ഗെയിംസില്‍ ലൈറ്റ്‌വെയ്റ്റ് വിഭാഗത്തില്‍ താരം വെങ്കലം നേടിയിരുന്നു.