ശ്രീനഗര്‍: മധ്യ കശ്മീരിലെ ബുദ്ഗാം വ്യോമസേനാ താവളത്തില്‍ അതിക്രമിച്ച് കയറാന്‍ ശ്രമിച്ചയാളെ സുരക്ഷാ ഉദ്യോഗസ്ഥര്‍ വെടിവെച്ച് കൊന്നു. ഞായറാഴ്ച അര്‍ധരാത്രിയാണ് സംഭവം.  സുരക്ഷാ ഉദ്യോഗസ്ഥരുടെ വിലക്ക് വകവെക്കാതെ അതീവ  സുരക്ഷാ മേഖലയില്‍ പ്രവേശിച്ച ഇയാളെ വെടിവെക്കുകയായിരുന്നു.

അതേസമയം കൊല്ലപ്പെട്ടയാളെ തിരിച്ചറിഞ്ഞിട്ടില്ല. കാഴ്ചയില്‍ 50 വയസിലധികം പ്രായം തോന്നിക്കുന്ന ഇയാളുടെ പക്കല്‍ നിന്നും തിരിച്ചറിയല്‍ രേഖകളൊന്നും ലഭിച്ചിട്ടില്ല. ഇയാള്‍ക്ക് മാനസിക പ്രശ്‌നമുണ്ടോയെന്ന് സംശയിക്കുന്നതായും, ആളെ തിരിച്ചറിയാന്‍ പ്രദേശ വാസികളുടെ സഹായം തേടുമെന്നും പൊലിസ് അറിയിച്ചു.