സിഡ്‌നി: തോക്കുമായി ഫോട്ടോക്കു പോസ് ചെയ്ത ആസ്‌ത്രേലിയന്‍ എം.പി വെട്ടിലായി. ജോര്‍ജ് ക്രിസ്റ്റന്‍സണ്‍ എന്ന കണ്‍സര്‍വേറ്റിവ് പാര്‍ട്ടി അംഗമാണ് തോക്കുമായി നില്‍ക്കുന്ന ഫോട്ടോ ശനിയാഴ്ച ഫേസ്ബുക്കില്‍ പോസ്റ്റ് ചെയ്തത്.
അമേരിക്കയില്‍ വെടിവയ്പില്‍ 17 പേര്‍ കൊല്ലപ്പെട്ടു ദിവസങ്ങള്‍ക്കകം എം.പി തോക്കു ചൂണ്ടുന്ന ഫോട്ടോയുമായെത്തിയത് അപമാനകരമാണെന്ന് ഗ്രീന്‍സ് പാര്‍ട്ടി അംഗങ്ങള്‍ ആരോപിച്ചു. ഉത്തരവ് ലഭിച്ചാല്‍ അന്വേഷണം നടത്തുമെന്ന് പൊലിസ് വൃത്തങ്ങള്‍ അറിയിച്ചു.
അതേസമയം താന്‍ തമാശയ്ക്കാണ് ഇത്തരമൊരു ഫോട്ടോ പോസ്റ്റ് ചെയ്തതെന്ന് എം.പി പ്രതികരിച്ചു.