മ്യൂണിക്ക്: ജര്‍മന്‍ ബുണ്ടസ് ലീഗ പോരാട്ടത്തില്‍ ബൊറൂസിയ ഡോര്‍ട്മുണ്ടിന് വിജയം. എവേ പോരാട്ടത്തില്‍ അവര്‍ ബൊറൂസിയ മോണ്‍ചെന്‍ഗ്ലെഡ്ബാചിനെ മറുപടിയില്ലാത്ത ഒറ്റ ഗോളിന് പരാജയപ്പെടുത്തി. പരുക്കിനെ തുടര്‍ന്ന് എട്ട് മാസമായി കളത്തിന് പുറത്തായിരുന്ന സൂപ്പര്‍ താരം മാര്‍ക്കോ റൂസ് ടീമില്‍ തിരിച്ചെത്തി നേടിയ ഏക ഗോളിന്റെ ബലത്തിലാണ് ബൊറൂസിയ ഡോര്‍ട്മുണ്ട് വിജയം സ്വന്തമാക്കിയത്.