എരുമപ്പെട്ടി: എരുമപ്പെട്ടി മങ്ങാടില്‍ ബസും ട്രാക്ടറും കൂട്ടിയിടിച്ച് ട്രാക്ടറിന്റെ ഡ്രൈവര്‍ക്ക് സാരമായി പരുക്കേറ്റു. എങ്കക്കാട് സ്വദേശി മോഹനന്‍(45)നാണ് പരുക്കേറ്റത്.
 ഇന്നലെ രാവിലെ 9.30യോടെ മങ്ങാട് നാലാംകല്ലില്‍ വെച്ചാണ് അപകടമുണ്ടായത്. സ്വകാര്യബസ് ട്രാക്ടറിനെ മറികടക്കുന്നതിനിടയില്‍ ട്രാക്ടറിന്റെ പുറകുവശത്ത് ഇടിക്കുകയായിരുന്നു. ഇടിയുടെ ആഘാതത്തില്‍ ട്രാക്ടര്‍ സമീപത്തുള്ള പാടത്തേക്ക് മറിഞ്ഞുവീണു. ഗുരുതരമായി പരുക്കേറ്റ ട്രാക്ടര്‍ ഡ്രൈവര്‍ മോഹനനെ മുളങ്കുന്നത്ത്കാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.