കണ്ണൂര്‍: കണ്ണൂരില്‍ കൊല ചെയ്യപ്പെട്ട ശുഹൈബിനെ വധിക്കണമെന്ന ഉദ്ദേശ്യത്തോടുകൂടിയാണ് ആക്രമിച്ചതെന്ന് പൊലിസ് റിമാന്‍ഡ് റിപ്പോര്‍ട്ട്. കൊല നടത്തിയത് സി.പി.എമ്മുകാരായ നാലു പേരാണെന്നും ആക്രമം തടയാന്‍ ശ്രമിച്ചവരെ പ്രതികള്‍ കൊല്ലാന്‍ ശ്രമിച്ചെന്നും റിമാന്‍ഡ് റിപ്പോര്‍ട്ടില്‍ പറയുന്നു.

കൊല്ലാനല്ല, കാലുവെട്ടാനായിരുന്നു ക്വട്ടേഷനെന്നായിരുന്നു പ്രതികള്‍ കഴിഞ്ഞ ദിവസം പൊലിസിന് മൊഴി നല്‍കിയതെന്ന് പൊലിസ്. എന്നാല്‍, ഇതിന് വിപരീതമായാണ് റിമാന്‍ഡ് റിപ്പോര്‍ട്ട്. ഇടന്നൂര്‍ സ്‌കൂളിലെ കെ.എസ്.യു-എസ്.എഫ്.ഐ സംഘര്‍ഷത്തില്‍ ഇടപ്പെട്ടതിലുള്ള വിരോധമാണ് കൊലയ്ക്ക് കാരണമെന്നാണ് റിമാന്‍ഡ് റിപ്പോര്‍ട്ട്.