കാസര്‍കോട്: ഏത് മുന്നണിയില്‍ പോകണമെന്ന് തീരുമാനിക്കേണ്ടത് കെ.എം മാണിയാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി. കാസര്‍കോട് ജില്ലാ കോണ്‍ഗ്രസ് നേതൃയോഗത്തില്‍ പങ്കെടുക്കാനെത്തിയ അദ്ദേഹം മാധ്യമപ്രവര്‍ത്തകരുമായി സംസാരിക്കുകയായിരുന്നു.

കെ.എം മാണി ജനകീയാടിത്തറയുള്ള നേതാവാണെന്നുള്ള സി.പി.എം നേതാവ് ഇ.പിജയരാജന്‍ എം.എല്‍.എയുടെ പ്രസ്താവന ചൂണ്ടിക്കാണിച്ചപ്പോഴാണ് ഉമ്മന്‍ചാണ്ടി ഇങ്ങനെ പ്രതികരിച്ചത്.
മാണിയെ ആര്‍ക്കും ഏതു മുന്നണിയിലേക്കും ക്ഷണിക്കാം. ഏത് മുന്നണിയില്‍ പോകണമെന്ന് തീരുമാനിക്കേണ്ടത് മാണിയാണ്. കെ.എം മാണി യു.ഡി.എഫിലേക്ക് മടങ്ങി വരണമെന്നാണ് യു.ഡി.എഫ് നിലപാട്. ഈ നിലപാടില്‍ ഇപ്പോഴും മാറ്റമില്ല. ഇടതുപക്ഷം മാണിക്കും കേരള കോണ്‍ഗ്രസിനുമെതിരെ ഉയര്‍ത്തിയ ആരോപണങ്ങളിലും സമരങ്ങളിലും ജനങ്ങളോട് മാപ്പ് പറയണമെന്നും ഉമ്മന്‍ചാണ്ടി ആവശ്യപ്പെട്ടു.