കണ്ണൂര്‍: സംസ്ഥാന ലൈബ്രറി കൗണ്‍സില്‍ അംഗവും മുന്‍ അധ്യാപക നേതാവുമായിരുന്ന ജി.ഡി നായര്‍ തനിക്ക് ലഭിച്ച അവാര്‍ഡ് തുക ഐ.ആര്‍.പി.സിക്ക് നല്‍കി. ജില്ലാതലത്തില്‍ മികച്ച ലൈബ്രേറിയനുള്ള സി.കെ ശേഖരന്‍ മാസ്റ്റര്‍ അവാര്‍ഡ്  കഴിഞ്ഞ ദിവസമാണ് ജി.ഡി നായര്‍ക്ക് ലഭിച്ചത്. കണ്ണൂരില്‍ നടന്ന ചടങ്ങില്‍ ഐ.ആര്‍.പി.സി രക്ഷാധികാരി പി ജയരാജന്‍ ജി.ഡി നായരില്‍ നിന്ന് അവാര്‍ഡ് തുക ഏറ്റുവാങ്ങി. ഐ.ആര്‍.പി.സി ജില്ലാ ട്രഷറര്‍ കെ.വി ഗോവിന്ദന്‍ അധ്യക്ഷനായി. പയ്യന്നൂര്‍ കുഞ്ഞിരാമന്‍, കീച്ചേരി രാഘവന്‍ സംബന്ധിച്ചു.