ചേളാരി: സമസ്ത കേരള സുന്നി ബാലവേദി സ്ഥാപക പ്രസിഡന്റും എസ്.കെ.എസ്.എസ്.എഫ് സംസ്ഥാന അധ്യക്ഷനുമായ പാണക്കാട് സയ്യിദ് ഹമീദലി ശിഹാബ് തങ്ങളെ സുന്നി ബാലവേദി സംസ്ഥാന കമ്മിറ്റി ആദരിക്കുന്നു.
സംഘടന നടത്തിവരുന്ന സില്‍വര്‍ ജൂബിലി ആഘോഷത്തിന്റെ ഭാഗമായി സംഘടിപ്പിക്കുന്ന 'ഓര്‍മയുടെ ഓളങ്ങളില്‍' ഓര്‍മ സംഗമത്തില്‍ വച്ചാണ് സമസ്ത കേരള സുന്നി ബാലവേദി സ്ഥാപക നേതാക്കളില്‍ പ്രമുഖരും ഒന്നര പതിറ്റാണ്ടിലേറെ സുന്നി ബാലവേദി അധ്യക്ഷനുമായ ഹമീദലി ശിഹാബ് തങ്ങളെ ആദരിക്കുന്നത്.
24ന് ചേളാരി സമസ്ത ഓഡിറ്റോറിയത്തില്‍ നടക്കുന്ന ചടങ്ങില്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍, പാണക്കാട് സയ്യിദ് മുഈന്‍ അലി ശിഹാബ് തങ്ങള്‍, പാണക്കാട് സയ്യിദ് അസീല്‍ അലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, എം.എ ചേളാരി, ഡോ. എന്‍.എ.എം അബ്ദുല്‍ ഖാദര്‍, കെ. മോയിന്‍കുട്ടി മാസ്റ്റര്‍, ഇമ്പിച്ചി കോയ മുസ്‌ലിയാര്‍, സത്താര്‍ പന്തലൂര്‍, കൊടക് അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഖാദര്‍ ഖാസിമി, കെ.ടി ഹുസൈന്‍ കുട്ടി മുസ്‌ലിയാര്‍, മൊയ്തീന്‍ മുസ്‌ലിയാര്‍ പുറങ്ങ്, അഫ്‌സല്‍ രാമന്തളി, ഷഫീഖ് മണ്ണഞ്ചേരി, ഫുആദ് വെള്ളിമാട്കുന്ന് തുടങ്ങിയവര്‍ സംബന്ധിക്കും.