മലപ്പുറം: ഇമാം ഗസാലി അനുസ്മരണ ദിനത്തോടനുബന്ധിച്ചു സംസ്ഥാനത്ത് മണ്ഡലംതലങ്ങളില്‍ എസ്.വൈ.എസിന്റെ നേതൃത്വത്തില്‍ മജ്‌ലിസുന്നൂര്‍ സംഘടിപ്പിക്കാന്‍ മജ്‌ലിസുന്നൂര്‍ സംസ്ഥാന സമിതി തീരുമാനിച്ചു. ഹിജ്‌റ വര്‍ഷം ജമാദുല്‍ ഉഖ്‌റാ 14നാണ് ഇമാം ഗസാലി വഫാത്ത് ദിനം. ഇതോടനുബന്ധിച്ച് മാര്‍ച്ച് 3ന് ശനിയാഴ്ചയാണ് മണ്ഡലംതലങ്ങളില്‍ ആത്മീയ സദസുകള്‍ നടത്തുന്നത്.
മൂന്നുമണിക്കൂര്‍ നീളുന്ന സംഗമങ്ങളില്‍ ഇമാം ഗസാലി അനുസ്മരണ പരിപാടികളും സന്ദേശ പ്രഭാഷണവും തുടര്‍ന്നു മജ്‌ലിസുന്നൂറും നടക്കും. എസ്.വൈ.എസ് മണ്ഡലം,പഞ്ചായത്ത് കമ്മിറ്റി അംഗങ്ങള്‍, മഹല്ല്തല മജ്‌ലിസുന്നൂര്‍ അമീറുമാര്‍, സംഘടനാ പ്രവര്‍ത്തകര്‍, പ്രദേശനിവാസികള്‍ തുടങ്ങിയവരാണ് അനുസ്മരണ ചടങ്ങില്‍ സംഗമിക്കുന്നത്. പരിപാടി വന്‍വിജയമാക്കാന്‍ കീഴ്ഘടകങ്ങളും പ്രവര്‍ത്തകരും മുന്നിട്ടിറങ്ങണമെന്നു എസ്.വൈ.എസ് ജന.സെക്രട്ടറിയും മജ്‌ലിസുന്നൂര്‍ സംസ്ഥാന അമീറുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി അഭ്യര്‍ഥിച്ചു.