ശ്രീനഗര്‍: അതിര്‍ത്തിയില്‍ പാക് ആക്രമണത്തില്‍ ബി.എസ്.എഫ് ജവാന്‍ വീരമൃത്യു വരിച്ചു. കുപ്്‌വാര ജില്ലയില്‍ അതിര്‍ത്തിയില്‍ സൈനിക പോസ്റ്റിനുനേരെയാണ് പാക് സൈന്യം അപ്രതീക്ഷിതമായി ആക്രമണം നടത്തിയത്. ബി.എസ്.എഫ് കോണ്‍സ്റ്റബിള്‍ എസ്.കെ മുര്‍മുവിനാണ് ജീവഹാനി നേരിട്ടത്. പാക് ആക്രമണത്തില്‍ ഗുരുതരമായി പരുക്കേറ്റ അദ്ദേഹത്തെ ശ്രീനഗറിലെ സൈനിക ആശുപത്രിയിലെത്തിച്ചിരുന്നുവെങ്കിലും ജീവന്‍ രക്ഷിക്കാനായില്ലെന്ന് ബി.എസ്.എഫ് വക്താവ് അറിയിച്ചു.