ശ്രീനഗര്‍: പാക് സൈനിക ഹെലിക്കോപ്റ്റര്‍ ഇന്ത്യന്‍ വ്യോമാതിര്‍ത്തി ലംഘിച്ചതായി സൈന്യം. ജമ്മു കശ്മിരിലെ പൂഞ്ച് ജില്ലയിലെ ഖാരികര്‍മാര മേഖലയിലാണ് ഹെലിക്കോപ്റ്റര്‍ പ്രത്യക്ഷപ്പെട്ടത്. അതിര്‍ത്തി കടന്ന് 300 മീറ്ററോളം ഇന്ത്യക്കുള്ളിലേക്ക് കടന്നതായാണ് സൈന്യം നല്‍കുന്ന വിവരം.
അന്താരാഷ്ട്ര വ്യോമാതിര്‍ത്തി പാക് സൈന്യം പരസ്യമായി ലംഘിച്ചതായും കഴിഞ്ഞ ജനുവരി 18നുണ്ടായതുപോലുള്ള ആക്രമണത്തിനാണ് പാക് സൈന്യം ശ്രമിച്ചതെന്നും രഹസ്യാന്വേഷണ വിഭാഗം പറഞ്ഞു.
ഇന്ത്യ തിരിച്ചടിക്കുന്നതിന് മുന്‍പായി ഹെലിക്കോപ്റ്റര്‍ തിരിച്ചു പറന്നു. അതിര്‍ത്തിയില്‍ ഇരുരാജ്യങ്ങളും പരസ്പരമുണ്ടാക്കിയ ധാരണ പാകിസ്താന്‍ പരസ്യമായി ലംഘിക്കുകയാണെന്നും സൈന്യം പറയുന്നു. ഇന്നലെ രാവിലെ 9.45ഓടെയായിരുന്നു ഹെലിക്കോപ്റ്റര്‍ ഇന്ത്യന്‍ അതിര്‍ത്തി കടന്നത്.