സെഞ്ചൂറിയന്‍: ഇന്ത്യയും ദക്ഷിണാഫ്രിക്കയും തമ്മിലുള്ള വനിതകളുടെ നാലാം ടി 20 മത്സരം മഴ കാരണം ഉപേക്ഷിച്ചു. മൂന്ന് മത്സരങ്ങള്‍ കഴിഞ്ഞപ്പോള്‍ ഇന്ത്യ 2-1ന് മുന്നിലാണ്.
കളി തുടങ്ങി ആദ്യം ബാറ്റ് ചെയ്ത ദക്ഷിണാഫ്രിക്ക 15.3 ഓവറില്‍ മൂന്ന് വിക്കറ്റിന് 130 റണ്‍സെടുത്തു. ഇന്ത്യന്‍ ബാറ്റിങ് തുടങ്ങാനിരിക്കെയായിരുന്നു മഴ പെയ്തത്. രണ്ട് മണിക്കൂര്‍ കാത്തിരുന്നെങ്കിലും മഴ മാറാത്തതിനെ തുടര്‍ന്ന് മത്സരം ഉപേക്ഷിക്കുകയായിരുന്നു. 24ന് കേപ് ടൗണിലാണ് അഞ്ചാമത്തെ ടി 20 മത്സരം. അടുത്ത മത്സരത്തിലും ഇന്ത്യക്ക് ജയിക്കാനായാല്‍ ഒരു ടൂറില്‍ രണ്ട് പരമ്പര സ്വന്തമാക്കുകയെന്ന അപൂര്‍വ നേട്ടം ഇന്ത്യന്‍ വനിതാ സംഘത്തിന് സ്വന്തമാകും.