കൊച്ചി: കേരള ബ്ലാസ്റ്റേഴ്‌സിന്റെ അവസാന ഹോം മാച്ചില്‍ ഒരു അഡാറ് ലൗവിലെ നായികയെ മുഖ്യാതിയായി കൊണ്ടുവരുമെന്ന് പറഞ്ഞ് ബ്‌സ്റ്റേഴ്‌സ് അധികൃതര്‍ വെട്ടിലായി. കൊച്ചിയില്‍ നടക്കുന്ന മത്സരം കാണാന്‍ ഒരു അഡാര്‍ അതിഥിയുണ്ടെന്നായിരുന്നു അധികൃതര്‍ ട്വിറ്ററില്‍ കുറിച്ചത്. എന്നാല്‍ ഇതിനോട് ശക്തമായ ഭാഷയിലാണ് ബ്ലാസ്റ്റേഴ്‌സ് അനുകൂലികള്‍ പ്രതികരിച്ചത്. ബ്ലാസ്റ്റേഴ്‌സിനൊപ്പം പോകുന്ന ട്രാവലിങ്ങ് ഫാന്‍സടക്കം രൂക്ഷമായ ഭാഷയില്‍ പോസ്റ്റിനെ വിമര്‍ശിച്ചതോടെ ട്വിറ്ററില്‍ അധികൃതര്‍ പോസ്റ്റ് ഡിലീറ്റ് ചെയ്തു. ഞങ്ങള്‍ക്ക് കളി കാണാന്‍ ആരുടെയും പിന്തുണവേണ്ടെന്നും ഇതുവരേയും കളി നന്നായിട്ട് ആസ്വദിച്ചിട്ടുണ്ടെന്നുമായിരുന്നു ഫാന്‍സിന്റെ പ്രതികരണം.