ന്യൂഡല്‍ഹി: അഞ്ചുദിവസത്തെ സന്ദര്‍ശനത്തിനായി ഇന്ത്യയിലെത്തിയ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡുമായി കൂടിക്കാഴ്ച നടത്തുമെന്ന് പ്രധാനമന്ത്രി നരേന്ദ്രമോദി. ഇന്നാണ് ഇരു രാഷ്ട്ര നേതാക്കളുമായി ചര്‍ച്ച നടത്തുക.
ഇന്ത്യയിലെത്തിയ കനേഡിയന്‍ പ്രധാന മന്ത്രിയുമായി കൂടിക്കാഴ്ച നടത്താന്‍ കേന്ദ്ര സര്‍ക്കാര്‍ വിസമ്മതിച്ചത് വന്‍വാര്‍ത്തയായിരുന്നു. ഖലിസ്ഥാന്‍ ഭീകരര്‍ക്ക് കാനഡ നല്‍കുന്ന പിന്തുണയാണ് ട്രൂഡിന്റെ സന്ദര്‍ശനത്തിന് തണുത്ത പ്രതികരണത്തിന് കാരണമായിരുന്നത്.
ട്രൂഡുമായി സന്ദര്‍ശനം നടത്തുന്നുവെന്ന് മോദി ട്വിറ്ററിലൂടെയാണ് അറിയിച്ചത്. 2015ല്‍ കാനഡ സന്ദര്‍ശനത്തിനിടയില്‍ മോദിയും ട്രൂഡുമായും ചേര്‍ന്നെടുത്ത ഫോട്ടോയും ട്വീറ്റ് ചെയ്തിട്ടുണ്ട്.