മുംബൈ: ലൂസിയന്‍ ഗോയിന്‍ വില്ലനും നായകനുമായ പോരാട്ടത്തില്‍ മുംബൈ സിറ്റിക്ക് നാടകീയ വിജയം. സ്വന്തം തട്ടകത്തില്‍ അവര്‍ നോര്‍ത്ത്ഈസ്റ്റ് യുനൈറ്റഡിനെ 3-2ന് പിന്നില്‍ നിന്ന് പൊരുതി കീഴടക്കി. എമാനയിലൂടെ 15ാം മിനുട്ടില്‍ മുന്നിലെത്തിയ മുംബൈ ലൂസിയന്‍ ഗോയിന്റെ സെല്‍ഫ് ഗോളില്‍ നോര്‍ത്ത്ഈസ്റ്റിന് സമനില വഴങ്ങി. സംബിനയിലൂടെ നോര്‍ത്ത്ഈസ്റ്റ് 43ാം മിനുട്ടില്‍ മുന്നില്‍ കടന്നു. എവര്‍ടന്‍ സാന്റോസിലൂടെ 54ാം മിനുട്ടില്‍ മുംബൈ സമനില സ്വന്തമാക്കി തിരിച്ചടിച്ചു. മത്സരം സമനിലയില്‍ തീരുമെന്ന ഘട്ടത്തില്‍ ലൂസിയന്‍ ഗോയിന്‍ ആദ്യ സെല്‍ഫ് ഗോളിന് പ്രാശ്ചിത്തമായി ടീമിന് അവസാന നിമിഷം വിജയം സമ്മാനിച്ച ഗോളിനുടമയായി. ജയത്തോടെ മുംബൈ ആറാം സ്ഥാനത്തേക്ക് കയറി.