സോഫിയ: സ്ട്രാന്‍ഡ്ജ മെമ്മോറിയല്‍ അന്താരാഷ്ട്ര ബോക്‌സിങ് പോരാട്ടത്തില്‍ മെഡലുറപ്പാക്കി ഇന്ത്യയുടെ മേരി കോമും എല്‍ സരിത ദേവിയും. മേരി 48 കിലോ വിഭാഗത്തിലും സരിത 60 കിലോ വിഭാഗത്തിലും സെമിയിലെത്തിയാണ് മെഡലുറപ്പിച്ചത്. റൊമാനിയന്‍ താരം സ്റ്റെലുറ്റ ദത്തയെ ക്വാര്‍ട്ടറില്‍ പരാജയപ്പെടുത്തിയാണ് മേരിയുടെ മുന്നേറ്റം. അവസാന എട്ടിലെ പോരില്‍ സരിത ചൈനയുടെ ഖ്യു യവെനയെ കീഴടക്കിയാണ് സെമി ഉറപ്പിച്ചത്.