തിരുവനന്തപുരം: അട്ടപ്പാടിയില്‍ മധു എന്ന ആദിവാസി യുവാവ് ആള്‍ക്കൂട്ടത്തിന്റെ ക്രൂരമായ മര്‍ദ്ദനത്തിനിരയായി കൊല്ലപ്പെട്ടെന്നുള്ള വാര്‍ത്ത അത്യന്തം വേദനാജനകവും അപലനീയവുമാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍.

ആര്‍.എസ്.എസ് സംഘപരിവാരങ്ങള്‍ക്ക് മേല്‍ക്കൈയ്യുള്ള ഉത്തരേന്ത്യന്‍ സംസ്ഥാനങ്ങളില്‍ നടക്കുന്ന ദുരഭിമാന ഹത്യകളെയാണ് ഈ സംഭവം ഓര്‍മിപ്പിക്കുന്നതെന്നും അദ്ദേഹം പറഞ്ഞു.

ഈ പാതകത്തിന് പിറകിലുള്ളവരെ കണ്ടെത്തി, അര്‍ഹമായ ശിക്ഷ ലഭ്യമാക്കുന്നതിനുള്ള സത്വര നടപടികള്‍ അധികൃതരുടെ ഭാഗത്ത് നിന്നും ഉടനുണ്ടാവണമെന്നും കോടിയേരി ആവശ്യപ്പെട്ടു.