കേപ്ടൗണ്‍: ഇന്ത്യയും ദക്ഷിണാഫ്രിക്കയും തമ്മിലുള്ള മൂന്നാം ടി20 മത്സരം ഇന്ന്. ആദ്യ രണ്ട് മത്സരങ്ങളും വിജയിച്ചു നില്‍ക്കുന്ന ഇരു ടീമുകള്‍ക്കും ഇന്നത്തെ പോരാട്ടം വിജയിച്ചാല്‍ പരമ്പര സ്വന്തമാക്കാം. ആദ്യ മത്സരത്തില്‍ ഇന്ത്യ മികച്ച ഫോമില്‍ ദക്ഷിണാഫ്രിക്കയെ തുരത്തിയെങ്കില്‍ രണ്ടാം പോരാട്ടത്തില്‍ ഇന്ത്യന്‍ കരുത്തിനെ വെല്ലുവിളിച്ച് മികവിലേക്കുയര്‍ന്നാണ് ആതിഥേയര്‍ മത്സരം സ്വന്തമാക്കിയത്. ക്യാപ്റ്റന്‍ ജെ.പി ഡുമിനി, വിക്കറ്റ് കീപ്പര്‍ ബാറ്റ്‌സ്മാന്‍ ഹെയ്ന്റിച് ക്ലാസന്‍ എന്നിവരുടെ മികച്ച ബാറ്റിങാണ് ആതിഥേയര്‍ക്ക് വിജയമൊരുക്കിയത്. ഇരുവരുടേയും ഫോമിലാണ് ടീം മൂന്നാം പോരിലും വിശ്വാസമര്‍പ്പിച്ചിരിക്കുന്നത്.
പര്യടനത്തിനെത്തി മികച്ച ബൗളിങ് പുറത്തെടുത്ത റിസ്റ്റ് സ്പിന്നര്‍ യുസ്‌വേന്ദ്ര ചഹലിന് രണ്ടാം പോരാട്ടത്തില്‍ കനത്ത പ്രഹരം ഏല്‍ക്കേണ്ടി വന്നത് ഇന്ത്യയുടെ തോല്‍വിയില്‍ നിര്‍ണായകമായി. ശാര്‍ദുല്‍ താക്കൂര്‍, അക്‌സര്‍ പട്ടേല്‍, കുല്‍ദീപ് യാദവ് എന്നിവരില്‍ ഒരാള്‍ക്ക് ഇന്ന് അവസരം ലഭിക്കും.