തൃശ്ശൂര്‍: അതിനിഷ്ഠൂരമായ വാസനകളുടെ അഴിഞ്ഞാട്ടമാണു അട്ടപ്പാടിയില്‍ നടന്നതെന്ന് കൃഷി മന്ത്രി വി.എസ് സുനില്‍കുമാര്‍. ഇത് അവസാനിപ്പിച്ചില്ലെങ്കില്‍ കേരളം ഭ്രാന്താലയമാകുമെന്നും അദ്ദേഹം സൂചിപ്പിച്ചു.
തൃശ്ശൂര്‍ മാനസികാരോഗ്യ കേന്ദ്രത്തിന്റെ 129ാം വാര്‍ഷികാഘോഷ പരിപാടികള്‍ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. ആരാണു മനോരോഗികളെന്ന് പരിശോധിക്കേണ്ട വിധത്തിലാണു കാര്യങ്ങള്‍. അരി മോഷ്ടിച്ചുവെന്നാരോപിച്ചാണ് മധുവിനെ ആള്‍ക്കൂട്ടം തല്ലിക്കൊന്നത്. അതു മൊബൈലില്‍ ചിത്രീകരിക്കുകയും ചെയ്തു. സമൂഹത്തിന്റെ വൈകല്യത്തേയാണ് മധുവിന്റെ കൊലപാതകം വ്യക്തമാക്കുന്നതെന്നും മന്ത്രി പറഞ്ഞു.