കോഴിക്കോട്: ഫാസിസ്റ്റ് ശക്തികള്‍ അധികാരത്തിലേറിയ കാലം മുതല്‍ ദലിത്-ആദിവാസികളെ കൊന്നൊടുക്കുന്നത് നിത്യസംഭവമായിരിക്കുകയാണെന്നും ഉത്തരേന്ത്യന്‍ മോഡല്‍ കൊലപാതകം പോലെ കേരളത്തിലും നടമാടിക്കൊണ്ടിരിക്കുന്നതിനെ ചെറുക്കുമെന്നും മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് പ്രസ്താവിച്ചു. ദലിത് ലീഗ് സംസ്ഥാന കൗണ്‍സില്‍ മീറ്റ് കോഴിക്കോട് ലീഗ് ഹൗസില്‍ ഉദ്ഘാടനം ചെയ്യുകയായിരുന്നു അദ്ദേഹം.
ദലിത് ലീഗ് സംസ്ഥാന പ്രസിഡന്റ് യു.സി രാമന്‍ അധ്യക്ഷനായി. ആദിവാസി യുവാവ് മധുവിനെ മര്‍ദ്ദിച്ചു കൊന്നതിനെതിരേ സംസ്ഥാന കമ്മിറ്റി പ്രമേയം അവതരിപ്പിച്ചു. സംസ്ഥാന കമ്മിറ്റി ഭാരവാഹികളായി യു.സി രാമന്‍ (പ്രസിഡന്റ്), എ.പി ഉണ്ണികൃഷ്ണന്‍ (ജനറല്‍ സെക്രട്ടറി), പി.സി രാജന്‍ (ട്രഷറര്‍), പി. ബാലന്‍, അഡ്വ. ഗോപി, എം.ടി രാജന്‍, സി. മധു കാസര്‍കോട് (വൈസ് പ്രസിഡന്റുമാര്‍), പി.കെ മുരളി, വി.പി ആണ്ടി, ബിനു മാധവന്‍, പ്രകാശന്‍ കണ്ണൂര്‍ (സെക്രട്ടറിമാര്‍).
അഡ്വ. എം.പി ഗോപി, പി.സി രാജന്‍, മുസ്‌ലിംലീഗ് സംസ്ഥാന വൈസ് പ്രസിഡന്റ് കുട്ടി അഹമ്മദ്കുട്ടി, മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, അസീസ് ബഡായി സംസാരിച്ചു.