ചേളാരി: സമസ്ത കേരള സുന്നി ബാലവേദി സംസ്ഥാന കമ്മിറ്റി സംഘടിപ്പിച്ച മുന്‍കാല നേതാക്കളുടെയും സംഘടനാ ശില്‍പികളുടെയും ഓര്‍മ സംഗമം 'ഓര്‍മയുടെ ഓളങ്ങളില്‍' ശ്രദ്ധേയമായി. 1993ല്‍ രൂപീകരണ കാലം മുതല്‍ പ്രവര്‍ത്തനത്തില്‍ സജീവ സാന്നിധ്യങ്ങളായ സമൂഹത്തിന്റെ നാനാതുറകളില്‍ ശ്രദ്ധേയരായ നേതാക്കളാണ് ചേളാരിയില്‍ സംഘടിപ്പിച്ച സ്‌നേഹ സംഗമത്തില്‍ സംബന്ധിച്ചത്. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ജന. സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. എസ്.കെ.ജെ.എം.സി.സി മാനേജര്‍ എം.എ ചേളാരി അധ്യക്ഷനായി.
സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍ അനുഗ്രഹ പ്രഭാഷണം നടത്തി. സമസ്ത കേന്ദ്ര മുശാവറ അംഗം എം.എം മുഹ്‌യുദ്ദീന്‍ മുസ് ലിയാര്‍ ആലുവ, കൊടക് അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഖാദര്‍ അല്‍ ഖാസിമി, കെ.ടി ഹുസൈന്‍ കുട്ടി മുസ്‌ലിയാര്‍, ഹസ്സന്‍ മുസ്‌ലിയാര്‍, അബ്ദുല്ല മാസ്റ്റര്‍ കൊട്ടപ്പുറം, സത്താര്‍ പന്തലൂര്‍, പുറങ്ങ് മുഹ്‌യുദ്ദീന്‍ മുസ് ലിയാര്‍ തുടങ്ങിയവര്‍ സംബന്ധിച്ചു.
പ്രഥമ സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍, മിദ്‌ലാജ് കിടങ്ങഴി, അന്‍വര്‍ സാദത്ത് മുന്നിയൂര്‍, സയ്യിദ് ശിഹാബുദ്ദീന്‍ തങ്ങള്‍ പാലക്കാട്, സാജിര്‍ കൂരിയാട്, ഡോ. മജീദ് മാസ്റ്റര്‍ കൊടക്കാട്, ജുനൈദ് മേലാറ്റൂര്‍, സൈനുദ്ദീന്‍ ഒളവട്ടൂര്‍, സഫറുദ്ദീന്‍ പൂക്കോട്ടൂര്‍, ശഫീഖ് മണ്ണഞ്ചേരി, മുനാഫര്‍ ഒറ്റപ്പാലം തുടങ്ങിയവര്‍ സംസാരിച്ചു. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ ഉപഹാര സമര്‍പ്പണം നടത്തി.
സയ്യിദ് സദഖത്തുല്ല തങ്ങള്‍ അരിമ്പ്ര, റബീഹുദ്ദീന്‍ വെന്നിയൂര്‍, സജീര്‍ കാടാച്ചിറ, അസ്‌ലഹ് മുതുവല്ലൂര്‍, അനസ് ആമ്പല്ലൂര്‍, മുബശ്ശിര്‍ മേപാടി, മുബശ്ശിര്‍ ചുങ്കത്ത്, അര്‍ഷദ് കണ്ണൂര്‍, ഫര്‍ഹാന്‍ ബേപ്പൂര്‍, ഫായിസ് വെന്നിയൂര്‍, ഫായിസ് മടാക്കര, അഫ്‌സല്‍ രാമന്തളി, ഫുഹാദ് വെള്ളിമാട്കുന്ന് തുടങ്ങിയവര്‍ സംസാരിച്ചു.