കോഴിക്കോട്: 'മദ്‌റസകള്‍ മികവിന്റെ കേന്ദ്രങ്ങള്‍' എന്ന പ്രമേയത്തെ അടിസ്ഥാനമാക്കി സമസ്ത കേരള മദ്‌റസ മാനേജ്‌മെന്റ് അസോസിയേഷന്റെ ആഭിമുഖ്യത്തില്‍ നടത്തുന്ന മാനേജ്‌മെന്റ് ശില്‍പശാലയുടെ സംസ്ഥാനതല ഉദ്ഘാടനം നാളെ എറണാകുളത്ത് നടക്കും.
പാലാരിമംഗലം കൂമള്ളൂര്‍ അല്‍ ബിര്‍റ് ഇസ്‌ലാമിക് പ്രീസ്‌കൂള്‍ ഓഡിറ്റോറിയത്തില്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം നിര്‍വഹിക്കും.
എസ്.കെ.എം.എം.എ വര്‍ക്കിങ് സെക്രട്ടറി കെ.കെ.എസ് തങ്ങള്‍ വെട്ടിച്ചിറ അധ്യക്ഷനാകും.
സമസ്ത കേന്ദ്ര മുശാവറ മെമ്പര്‍ ഇ.എസ് ഹസ്സന്‍ ഫൈസി, സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, ഓണംപിള്ളി മുഹമ്മദ് ഫൈസി, എസ്.കെ.എം.എം.എ സംസ്ഥാന സെക്രട്ടറി കെ.എം കുട്ടി എടക്കുളം, കെ.പി മുഹമ്മദ് മുസ്‌ലിയാര്‍, ടി.എ ബഷീര്‍ എടത്തല, സിയാദ് ചെമ്പരിക്ക, ബക്കര്‍ ഹാജി പെരിങ്ങമല, അബ്ദുസ്സലാം ഹാജി ചിത്തുകര പ്രസംഗിക്കും.