കൊച്ചി: ഹരിയാനയിലെ പഞ്ചകുളയില്‍ നടക്കുന്ന 18ാമത് ദേശീയ പാരാലിംപിക്‌സ് അത്‌ലറ്റിക് ചാംപ്യന്‍ഷിപ്പിനുള്ള കേരള ടീമിനെ തിരഞ്ഞെടുക്കാനുള്ള സെലക്ഷന്‍ ട്രയല്‍സ് ഈ മാസം 27ന് നടക്കും. തൃശൂര്‍ സെന്റ് തോമസ് കോളജ് സ്റ്റേഡിയത്തില്‍ രാവിലെ 10 മുതലാണ് ട്രയല്‍സ്. 40 ശതമാനമോ അതിലാധികമോ ശാരീരിക വൈകല്യമുള്ള മത്സരാര്‍ഥികള്‍ക്ക് പങ്കെടുക്കാം. സബ് ജൂനിയര്‍, ജൂനിയര്‍, സീനിയര്‍ വിഭാഗങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും തിരഞ്ഞെടുപ്പുണ്ട്.
സംസ്ഥാന ടീമീലേക്ക് തിരഞ്ഞെടുക്കപ്പെടുന്നവര്‍ക്ക് ഏഴു ദിവസത്തെ പരിശീലനവും ജേഴ്‌സിയും യാത്രാ സൗകര്യവും ഉള്‍പ്പടെ നല്‍കും. ട്രയല്‍സിന് വരുന്നവര്‍ മെഡിക്കല്‍ ബോര്‍ഡ് സര്‍ട്ടിഫിക്കറ്റ്, വയസ് തെളിയിക്കുന്ന സര്‍ട്ടിഫിക്കറ്റ്, നാല് പാസ്‌പോര്‍ട് സൈസ് ഫോട്ടോ, ട്രെയിന്‍ കണ്‍സഷന്‍ കാര്‍ഡ് എന്നിവ കൂടി കൊണ്ടുവരണം. കൂടുതല്‍ വിവരങ്ങള്‍ക്ക് ഫോണ്‍: 9809921065, 7907124301.