ഡല്‍ഹി: ഏഴ് ഗോളുകള്‍ പിറന്ന ത്രില്ലര്‍ പോരാട്ടത്തില്‍ നിലവിലെ ചാംപ്യന്‍മാരായ എ.ടി.കെയെ 4-3ന് തകര്‍ത്ത് ഡല്‍ഹി ഡൈനാമോസ് സ്വന്തം തട്ടകത്തില്‍ തകര്‍പ്പന്‍ ജയം സ്വന്തമാക്കി.
സെമി പ്രതീക്ഷകള്‍ അവസാനിച്ച ഇരു ടീമുകളും ഇഞ്ചോടിഞ്ച് പൊരുതിയപ്പോള്‍ മത്സരം ആവേശം നിറയ്ക്കുന്നതായി മാറി. കാലു ഉചെയുടെ ഇരട്ട ഗോളുകളാണ് ഡല്‍ഹി വിജയത്തില്‍ നിര്‍ണായകമായത്. വിജയ പരാജയങ്ങള്‍ മാറിമറിഞ്ഞ പോരാട്ടത്തില്‍ കളി തീരാന്‍ നിമിഷങ്ങള്‍ മാത്രമുള്ളപ്പോള്‍ മിര്‍ബജെ നേടിയ ഗോളിലാണ് ഡല്‍ഹിയുടെ വിജയം.
കളിയുടെ 22ാം മിനുട്ടില്‍ മുന്നിലെത്തിയ ഡല്‍ഹിയെ സിചെരോയുടെ ദാന ഗോളില്‍ എ.ടി.കെ ഒപ്പം പിടിച്ചു. പിന്നീട് രണ്ടാം പകുതിയിലാണ് മത്സരത്തിലെ അഞ്ച് ഗോളുകളുടേയും പിറവി.
പരുക്ക് മാറി തിരിച്ചെത്തിയ റോബി കീന്‍ ആറ് മിനുട്ടുകള്‍ക്കിടെ രണ്ട് ഗോളുകള്‍ വലയിലാക്കി എ.ടി.കെയ്ക്ക് വിജയ പ്രതീക്ഷ നല്‍കി. എന്നാല്‍ 69ാം മിനുട്ടില്‍ തന്റെ രണ്ടാം ഗോളിലൂടെ ഉചെയും 71ല്‍ സെയ്ത്യാസെന്‍ സിങും ഡല്‍ഹിക്ക് സമനിലയൊരുക്കി. ഒടുവില്‍ മത്സരം സമനിലയില്‍ അവസാനിക്കുമെന്ന ഘട്ടത്തിലാണ് ഡല്‍ഹിയുടെ വിജയ ഗോള്‍.