സോഫിയ (ബള്‍ഗേറിയ): സ്ട്രാന്‍ഡ്ജ മെമ്മോറിയല്‍ ബോക്‌സിങ് പോരാട്ടത്തില്‍ ഇന്ത്യയുടെ വികാസ് കൃഷ്ണന്‍ (75 കിലോ), അമിത് ഫംഗല്‍ (49 കിലോ) എന്നിവര്‍ ഫൈനലിലേക്ക് കടന്ന് വെള്ളി ഉറപ്പാക്കി. അമിത് റഷ്യന്‍ താരം സോയന്‍ അര്‍ടിഷിനെ വീഴ്ത്തിയപ്പോള്‍ വികാസ് ചൈനീസ് താരം തൗഹേതര്‍ബികെ തംഗ്‌ലതിഹയയെ സെമിയില്‍ പരാജയപ്പെടുത്തിയാണ് കലാശപ്പോരിലേക്ക് മുന്നേറിയത്. വനിതകളുടെ ഫൈനലിലേക്ക് ഇന്ത്യയുടെ മേരി കോം (49 കിലോ), സീമ പൂനിയ (81 കിലോയ്ക്ക് മുകളില്‍) എന്നിവര്‍ നേരത്തെ മുന്നേറിയിരുന്നു.