ബഹിരാകാശ ദൗത്യത്തില്‍ ചരിത്രമെഴുതിയ സ്‌പെയ്‌സ് എക്‌സ് ഉടമ ഇലോണ്‍ മസ്‌കിനെ കുറിച്ച് യു.ടി മുഹമ്മദ് ശഹീര്‍ എഴുതിയ ഫീച്ചര്‍ പുതിയ തലമുറയ്ക്ക് ഏറെ പ്രചോദനം പകരുന്നതാണ്. അടിക്കടിയുള്ള പരാജയങ്ങളെയും തിരിച്ചടികളെയും നോക്കി തളര്‍ന്നിരിക്കാതെ മുന്നോട്ടുതന്നെ കുതിച്ചുകൊണ്ടിരുന്നതു കൊണ്ടാണ് ഇന്നു കാണുന്ന ഇലോണ്‍ മസ്‌ക് ഉണ്ടായതെന്ന് ശ രിക്കും ബോധ്യമായി ആ ജീവിതമെഴുത്ത് വായിച്ചപ്പോള്‍. അല്ലെങ്കില്‍ ദക്ഷിണാഫ്രിക്കയിലെ പ്രിട്ടോറിയയില്‍ ഏതൊരു സാധാരണ കുട്ടികളെയും പോലെ തെരുവില്‍ കറങ്ങിനടക്കേണ്ടവനാകുമായിരുന്നു മസ്‌ക്. തീര്‍ത്തും പ്രചോദനാത്മകമായൊരു ജീവിതം കാലികപ്രസക്തമായൊരു വേളയില്‍ വളരെ വിശദാമായിത്തന്നെ പരിചയപ്പെടുത്തിയതിന് നന്ദി, ഒരുപാട്,