ഇന്നത്തെ കാലത്ത് ഏതൊരു യാത്രികന്റെയും സാധാരണക്കാരന്റെയും സന്തത സഹചാരിയാണ് സ്മാര്‍ട്ട്‌ഫോണുകള്‍. അതില്‍ ഏറ്റവും ഉപയോഗമുള്ള ആപ്പുകളിലൊന്നാണ് ഗൂഗിള്‍ മാപ്‌സ്. യാത്രയ്ക്കാണെങ്കിലും അല്ലെങ്കിലും നമ്മളില്‍ ആരും തന്നെ ഗൂഗിള്‍ മാപ്‌സ് ഉപയോഗിക്കാതിരിക്കില്ല.

ദൂരയാത്രയ്ക്ക് പോവുമ്പോള്‍ അങ്ങോട്ടുള്ള ദൂരവും വഴികളെല്ലാം നമ്മള്‍ ആദ്യമേ നോക്കാന്‍ ഗൂഗിള്‍ മാപ്പിനെയാണ് നാം ആശ്രയിക്കുക. എന്നാല്‍, ഗൂഗിള്‍ മാപ്പ് പ്രവര്‍ത്തിക്കണമെങ്കില്‍ ഫോണില്‍ ഇന്റര്‍നെറ്റ് കണക്ഷന്‍ ആവശ്യമാണ്. ഏതെങ്കിലും സാഹചര്യത്തില്‍ ഇന്റര്‍നെറ്റ് കണക്ഷന്‍ ഇല്ലെങ്കില്‍ ഗൂഗിള്‍ മാപ്‌സ് പണിമുടക്കും. അതുമല്ല ഇനി ഇന്റര്‍നെറ്റ് ഉണ്ടെങ്കില്‍ തന്നെ നമ്മുടെ മൊബൈല്‍ നെറ്റ്‌വര്‍ക്ക് കവറേജ് ഇല്ലാത്തിടത്ത് ആണെങ്കിലും ഗൂഗിള്‍ മാപ്‌സ് ജോലി ചെയ്യില്ല. എന്നാല്‍, ഇപ്പോള്‍ ഇതിനൊരു പരിഹാരമായിരിക്കുകയാണ് MAPS.ME എന്ന ആപ്പ്.

മൊബൈലില്‍ ഇന്റര്‍നെറ്റ് കണക്ഷനില്ലെങ്കിലും MAPS.ME ജോലി ചെയ്യും. യാത്രികരെ ബുദ്ധിമുട്ടിക്കില്ല. അതായത് ഇവന്‍ ഓഫ്‌ലൈനിലും വര്‍ക്ക് ചെയ്യുമെന്നര്‍ഥം. അതിനാല്‍ തന്നെ യാത്രയ്ക്കായി നെറ്റ്‌വര്‍ക് കവറേജ് ഇല്ലെങ്കിലും ധൈര്യമായി യാത്രയ്ക്കായി പുറപ്പെടാം എന്നര്‍ഥം. ഗൂഗിള്‍ പ്ലേസ്റ്റോറില്‍ നിന്നും MAPS.ME ഡൗണ്‍ലോഡ് ചെയ്യാം..

ആപ്ലിക്കേഷന്‍ ഡൗണ്‍ലോഡ് ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.. MAPS.ME