പാറ്റ്‌ന: ആറ് കോടി രൂപ വിലവരുന്ന ആയിരം കുപ്പി നേപ്പാള്‍ മദ്യം അതിര്‍ത്തി സേനയായ സാഷാസ്ത്ര സീമാ ബാല്‍(എസ്.എസ്.ബി) പിടികൂടി. അമാഗാച്ചി അതിര്‍ത്തിയില്‍ നിന്നാണ് മദ്യം പിടികൂടിയത്. സംഭവവുമായി ബന്ധപ്പെട്ട് ദിനേഷ് കേസരി എന്നയാളെ അറസ്റ്റ് ചെയ്‌തെന്ന് എസ്.എസ്.ബി ഡപ്യൂട്ടി കമാന്‍ഡര്‍ മുകേഷ് കുമാര്‍ ഗൗതം പറഞ്ഞു.
ബിഹാറുകാരനായ കേസരി നേപ്പാള്‍ അതിര്‍ത്തിയില്‍ നിന്ന് ഇന്ത്യയിലേക്ക് പ്രവേശിക്കാന്‍ ശ്രമിക്കുന്നതിന്നിടെയാണ് പിടിയിലായത്. ഇദ്ദേഹത്തിനൊപ്പം നിരവധി പേര്‍ ഉണ്ടായിരുന്നെങ്കിലും ഇവര്‍ ഓടി രക്ഷപ്പെട്ടു.
നിതീഷ് കുമാര്‍ മുഖ്യമന്ത്രിയായപ്പോഴാണ് മദ്യ വില്‍പ്പനയും വാങ്ങലും പൂര്‍ണമായും നിരോധിച്ചതാണ്.