കൊല്ലം: നിര്‍ത്തിയിട്ടിരുന്ന കാറിലിടിച്ച് ബൈക്ക് യാത്രികരായ യുവാക്കള്‍ക്ക് പരുക്കേറ്റു. മുണ്ടയ്ക്കല്‍ സ്വദേശികളായ വിഷ്ണു(18), തരുണ്‍(17) എന്നിവര്‍ക്കാണ് പരുക്കേറ്റത്.

ഇന്നലെ രാത്രി പത്തോടെ ബീച്ചിന് സമീപം ജില്ലാ കലക്ടറുടെ ബംഗ്ലാവിന് അടുത്തായിരുന്നു അപകടം. മുണ്ടയ്ക്കലില്‍ നിന്നും ചിന്നക്കടയിലേക്ക് വരികയായിരുന്ന ബൈക്ക് നിയന്ത്രണം വിട്ട് പാതവക്കത്ത് നിര്‍ത്തിയിട്ടിരുന്ന കാറിലിടിക്കുകയായിരുന്നു. സാരമായി പരുക്കേറ്റ ബൈക്ക് യാത്രികരെ 'ട്രാക്ക്' പ്രവര്‍ത്തകര്‍ ഉടന്‍ തന്നെ ജില്ലാ ആശുപത്രിയിലെത്തിച്ചു.