തിരുവനന്തപുരം: പ്രതിപക്ഷം കറുത്ത ബാഡ്ജും പ്ലക്കാര്‍ഡുകളുമായി നിയമസഭ തടസ്സപ്പെടുത്തിയപ്പോള്‍ കറുത്ത ബാഡ്ജ് ധരിക്കാതെയാണ് തൃത്താല എം.എല്‍.എ വി.ടി ബല്‍റാം സഭയിലെത്തിയത്.

രാവിലെ എട്ടുമണിക്ക് നിയമസഭയിലെ പ്രതിപക്ഷ നേതാവിന്റെ ഓഫീസില്‍ ചേര്‍ന്ന യോഗത്തിലാണ് കറുത്ത ബാഡ്ജ് ധരിക്കണമെന്നും പ്ലക്കാര്‍ഡുമായി പ്രതിഷേധിക്കണമെന്നും തീരുമാനിച്ചത്. എന്നാല്‍ കറുത്ത ബാഡ്ജ് നല്‍കിയെങ്കിലും വാങ്ങാന്‍ ബല്‍റാം കൂട്ടാക്കിയില്ലെന്നാണ് അറിയുന്നത്.

പ്ലക്കാര്‍ഡുമായി പ്രതിപക്ഷാംഗങ്ങള്‍ക്കൊപ്പം സ്പീക്കറുടെ ഡയസിലെത്തി പ്രതിഷേധിക്കാന്‍ ബല്‍റാമുണ്ടായിരുന്നു.