മനാമ: ബഹ്‌റൈനില്‍ മയക്കുമരുന്ന് വില്‍പ്പന നടത്തിയ രണ്ട് ഏഷ്യന്‍ വംശജരെ പിടികൂടി.  ഇവിടെ കഞ്ചാവ് വില്‍പ്പന നടത്തവേയാണ് ഇവരെ കൈയോടെ പിടികൂടിയത്.ഇവരുടെ പേര് വിവരങ്ങള്‍ അധികൃതര്‍ പുറത്തുവിട്ടിട്ടില്ല.
അതേസമയം ഇവരില്‍ നിന്ന് നാല് കിലോയിലധികം കഞ്ചാവ് ഇവരുടെ പക്കല്‍ നിന്ന് പിടിച്ചെടുത്തിരുന്നതായി ക്രിമിനല്‍ ഇന്‍വെസ്റ്റിഗേഷന്‍ ആന്‍ഡ് ഫോറന്‍സിക് സയന്‍സ് ഡയറക്ടര്‍ ജനറല്‍ വ്യക്തമാക്കി. കഞ്ചാവ് കൈവശം വയ്ക്കുക, ഉപയോഗിക്കുക, വില്‍പ്പന നടത്തുക എന്നീ കുറ്റങ്ങള്‍ക്കാണ് ഇവരെ പൊലിസ് അറസ്റ്റ് ചെയ്തതെന്നും അദ്ദേഹം വ്യക്തമാക്കി.
തുടര്‍ നടപടികള്‍ക്കായി കേസ്പബ്ലിക് പ്രോസിക്യൂഷന് വിട്ടിരിക്കുകയാണെന്ന് ബഹ്‌റൈന്‍ വാര്‍ത്താ ഏജന്‍സി റിപ്പോര്‍ട്ട് ചെയ്തു.