കൊച്ചി: മൊബൈല്‍ സാമ്പത്തിക സേവന ദാതാക്കള്‍ ആയ പേടിഎം വഴി ഇനി കറന്റ് ചാര്‍ജ് അടയ്ക്കാം. കേരള സ്റ്റേറ്റ് ഇലക്ട്രിസിറ്റി ബോര്‍ഡും പേടിഎമ്മുമായി ഇതു സംബന്ധിച്ച് ധാരണയായി.
പുതിയ ഉപയോക്താവിന് 50 രൂപയും തുടര്‍ ഉപയോക്താവിന് 75 രൂപവരെയും ഇളവുകള്‍ പ്രഖ്യാപിച്ചിട്ടുണ്ട്. മൊബൈല്‍ പേയ്‌മെന്റ് പ്രോത്സാഹിപ്പിക്കുന്നതിനാണ് ഈ ഇളവുകള്‍. ബില്ലുകള്‍ അടയ്ക്കാന്‍ ക്യൂ നില്‍ക്കുന്നത് ഒഴിവാക്കുകയുമാവാം.
ബി.എസ്.ഇ.എസ് രാജ്ധാനി, ബി.എസ്.ഇ.എസ് യമുന, മഹാവിട്രാന്‍, ടാറ്റാപവര്‍, ബെസ്‌കോം, റിലയന്‍സ് എനര്‍ജി, ഇന്ദ്രപ്രസ്ഥ ഗ്യാസ്, ഗുജറാത്ത് ഗ്യാസ്, ഡെല്‍ഹി ജല്‍ ബോര്‍ഡ് തുടങ്ങി 70-ലേറെ സേവന ദാതാക്കളുമായി ബില്‍ അടയ്ക്കുന്നതിന് പേടിഎം പങ്കാളിത്ത കരാറിലേര്‍പ്പെട്ടിട്ടുണ്ടെന്ന് കമ്പനി അധികൃതര്‍ അറിയിച്ചു.