തിരുവനന്തപുരം: സംസ്ഥാനത്തെ ഭിന്നലിംഗക്കാര്‍ ഇന്ന് സെക്രട്ടേറിയറ്റിനു മുന്നില്‍ ഉപവാസ സമരം നടത്തും.
ഭിന്നലിംഗക്കാര്‍ക്കെതിരേയുള്ള അതിക്രമങ്ങള്‍ അവസാനിപ്പിക്കുക, ഭിന്നലിംഗക്കാരെ അടിച്ചമര്‍ത്തുന്ന പൊലിസുകാര്‍ക്കെതിരേ കര്‍ശന നടപടി സ്വീകരിക്കുക, കേസുകള്‍ പിന്‍വലിക്കുക, സംരക്ഷണത്തിന് നിയമനിര്‍മാണം നടത്തുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം. സംസ്ഥാനത്തെ വിവിധയിടങ്ങിളില്‍ നിന്നായി അഞ്ഞൂറോളം പേര്‍ പങ്കെടുക്കുമെന്ന് ഭാരവാഹികള്‍ പറഞ്ഞു. ഇന്നു രാവിലെ പത്തിന് നളിനിജമീല സമരം ഉദ്ഘാടനം ചെയ്യും.